Ndërmarrja publike “Hortikultura” gati një javë ka pauzuar punën në parqet e Prishtinës.
Gazeta Papirus ka kontaktuar direkt me ndërmarrjen, ku së pari kemi biseduar me sekretareshën e kryeshefes Sanije Bytyqi për një prononcim por, ajo është shprehur se nuk është punë e saj kjo detyrë, edhe pse e ka poziten e sekretareshës e cila duhet të përcaktoj terminet për kryeshefen ekzekutive të ndërmarrjes, njofton Gazeta Papirus.
Ekipa e gazetës ka vizituar objektin e ndërrmarjes për të pyetur fizikisht kryeshefen ekzekutive Nora Cimili Gagica rreth bojkotit, por ajo ka refuzuar të prononcohet edhe pse ajo është përgjegjësia e kësaj ndërrmarje.
NP “Hortikultura” është hera e parë që ende nuk ka krositur barin në muajin qershor, poashtu edhe ujitja në qytet është duke munguar në masë të madhe. Kryeshefja Gagica nuk duket se po kryen punë të duhura për këtë ndërmarrje.
Më pas kemi kontaktuar në telefon u.d sekretarin Ard Azemi, i cili tha se shkaku i mos nënshkrimit të faturave nga Drejtoria e Parqeve është pauzuar puna në parqe por së shpejti do të rregullohet kjo çështje shtoi ai.
Poashtu kemi telefonuar edhe në Drejtorin e Parqeve për të pyetur rreth çështjes së nënshkrimeve të faturave, më saktësisht Arlinda Sadikun por nuk i’u është përgjigjur telefonatës së redaksisë./GazetaPapirus/PB/
