Kryesia e Bashkësisë Islame të Kosovës ka njoftuar se muaji i madhëruar i Ramazanit përfundon ditën e mërkurë, më 12 maj.
Sipas njoftimit, dita e parë e festës së Fitër – Bajramit është ditën e enjte më 13 maj.
“Për shkak të gjendjes pandemike në xhamitë e vendit nuk do të ketë manifestim tradicional, madje edhe namazi i sabahut do të falet nëpër shtëpi, e në xhamia do të falet vetëm namazi i Fitër Bajramit. Falja e namazit të Fitër – Bajramit do të bëhet në orën 05:53. Ndërsa, xhamitë do të hapen vetëm 15 min para faljes së namazit të Bajramit. Kërkohet nga besimtarët që gjatë faljes së namazit të Fitër Bajramit të ruajnë distancën fizike dhe të respektojnë masat anticovid. Hytben e Fitër – Bajramit në xhaminë e madhe në Prishtinë do ta mbajë Myftiu i Kosovës, Naim ef. Tërnava, i cili do t’u drejtohet opinionit të gjerë me një mesazh të shkurtë për këtë festë. Po ashtu për shkak të gjendjes pandemike, myftiu i Kosovës nuk do të organizoj pritjen tradicionale të festës së Fitër Bajramit”, thuhet në njofitm.
Kryesia e Bashkësisë Islame të Kosovës të gjithë besimtarëve dhe opinionit të gjerë ua uron festën e Fitër- Bajramit, duke e lutur Zotin që t’i ketë pranuar agjërimin, lutjet dhe ibadetet tona.
