Ministria e Shëndetësisë ka apeluar tek qytetarët që të respektojnë masat kundër COVID-19 edhe gjatë sezonës festive.
Përmes një njoftimi në rrjetin social Facebook, MSH-ja ka bërë thirrje tek qytetarët që të bëjnë më herët blerjet për festat e fundvitit me qëllim që të shmangen turmat.
“Edhe nëse jeni plotësisht të vaksinuar praktikoni respektimin e masave kundër COVID-19 gjatë sezonës festive dhe gjatë tërë pandemisë. Planifikoni më herët blerjet me qëllim që të shmangni turmat dhe grumbullimet e panevojshme”, thuhet në njoftimin e MSH-së, transmeton lajmi.net.
