Sergio Busquets po jeton ditët e tij të fundit si lojtar i klubit futbollistik të Barcelonës. Pas 15 vite qëndrimi në skuadër, mesfushori ka vendosur largimin nga Barça.
Dy muaj para se të mbushë 35 vite jetë, lojtari ka vendosur largimin për të përjetuar një eksperincë të re në karrierën e tij.
Lajmi tani është zyrtarizuar edhe nga Barcelona. Xavi e dëshironte Busin në skuadër edhe për sezonin e ardhshëm, por spanjolli vendosi që mos të vazhdojë kontratën edhe për një vit.
Kalimi në futbollin amerikan MLS është destinacioni më i mundshëm për të.
15 vite më parë ishte Pep Guardiola ai që e promovoi si talent nga Barcelona B, për tu bërë më pas njëri nga lojtarët kryesor të skuadrës.
