Zëvendësministri i Financave, Resul Makreshi, e ka quajtur “lopë” deputeten e Lidhjes Demokratike të Kosovës (LDK), Valentina Bunjaku-Rexhepi.
Ai e ofendoi deputeten e partisë opozitare pasi kjo të enjten në Kuvend iu drejtua deputetit të Lëvizjes Vetëvendosje, Adnan Rrustemi, me fjalën “magjup”, raporton Koha.net.
“Lopa n’aksion! ‘LDK-ja e kulturës dhe institucioneve’, aspak e çuditshme gjuha e saj e poshtër, por e çuditshme se si të tillët arrijnë këtu për ta përfaqësuar popullin. Phuu..!”, shkroi Makreshi nw profilin e tij nw Facebook.
Për ofendimin në Kuvend, Bunjaku-Rexhepi u arsyetua me një fjalë tjetër ofenduese, për të cilën nuk u deklarua fare e penduar.
“Nuk është e vërtetë, majmun. Majmun i kam thënë”, ka deklaruar ajo për KOHËN. “Absolutisht, pasha Zotin, jo me kërku falje, po veç edhe një herë le të gabon, edhe një herë më shumë ia bëj. Qekaq!” ka shtuar kur është pyetur se a i kërkon falje deputetit Rrustemi.
Për këtë gjuhë nuk pati vërejtje nga kryeparlamentari Glauk Konjufca, gjatë seancës.
