162 mijë euro është kostoja e qirasë vjetore që e paguan Zyra Kombëtare e Auditimit (ZKA). Kësisoj, për t’i ikë qirasë, Ministria e Punëve të Brendshme ka propozuar që ky institucion të zhvendoset në ish-objektin e RTV 21.
Me ligjin e buxhetit për vitin 2022-23 ka 180 punonjës por që jo të gjitha vendet janë të plotësuara. Momentalisht janë 171 punëtorë, pasi në vazhdimësi ka lëvizje, prej tyre 140 auditues, pjesa tjetër është staf mbështetës”.
“Numri si numër është i mjaftueshëm, mirëpo Ligji për Auditorin e Përgjithshëm ka dhënë obligime ligjore që t’i përmbush 90 auditime në baza vjetore dhe ato t’i publikojë deri më datën 30 qershor dhe kjo e ngarkon Zyrën tej mase, për shkak se nuk i jep mundësi ZKA-së që të zhvillohet në auditime tjera si performancë apo ta zgjerojë gamën tek ndërmarrjet publike, për shkak se duhet t’i kryejmë fillimisht obligimet ligjore që i kemi”, u shpreh Spanca, teksa thotë se janë duke u përballur edhe me largim të stafit.
Krahas kësaj dukurie, Spanca thotë se punëtorë tjerë kanë dalë në pension, e disa të tjerë në pushim të lehonisë.
“Tash duke marrë për bazë trendin, kemi edhe lëvizje të stafit. Katër punëtorë e lëshojnë institucionin në baza vjetore, shtoja kësaj pushimet tjera të lehonisë apo pa pagesë, pensionimi. Tash rishtazi i kemi pasur tre punëtorë që kanë dalë në pension, dhe kjo është shumë e vështirë për neve që ta zbatojmë plotësisht planin auditues”, thotë Spanca.
