Kryeministri i vendit, Albin Kurti nuk e ka thënë asnjë fjalë lidhur me deklaratat e deputetit të partisë së tij, Haki Abazi, i cili ftoi Prokurorinë që ta intervistojë Kurtin e Haxhiun lidhur me zhdukjen e mostrave të rastit Dehari.
I pyetur nga deputetja e PDK-së, Blerta Deliu-Kodra lidhur me deklarata e Abazit, Kurti sërish ka lavduar qeverinë e tij lidhur me sundimin e ligjit, derisa nuk e tha asnjë fjalë për zhdukjen e mostrave të Astrit Deharit.
’Sa i përket çështjes së drejtësisë, jemi të parët në Ballkan që dy vjet dhe të dytët në botë sa i përket sundimit të ligjit. Në luftimin e korrupsionit. Këto janë evidente dhe sipas organizatave ndërkombëtare. Unë po ju flas pozitivisht, ju dëshironi me kriju atmosferë negative. Unë kam qenë në opozitë, por nuk kam kritikuar qeverinë për migrimin. Nuk duhet të flitet për migrimin në mënyrë dëshirore që të rritet ai.’’, tha Kurti.
