Zhaklin Lekatari prej mëse dy muajsh është nën rolin e opinionistes në formatin “Big Brother Vip Albania”. Ashtu sic të gjithë e dimë, të kesh një rol të tillë, në një program të tillë, nuk është e thjeshtë e sidomos kur duhet të flasës për personazhe shumë të dashur për publikun.
Së funmdi, e ftuar në “Ftesë në 5” Zhaku ka folur për këtë eksperiencë e cila po I sjell me vete edhe shumë frekuenca jo të mira. Ajo tregoi se prej kaq javësh merr mesazhe kërcënuese, ndalesa në rrugë, përndjekje me makinë dhe madje i kanë dëmtuar edhe makinën personale.
“Dua të nis raportimin e gjuhës së urrejtjes, institucionet duhet të ndërhyjnë, të krijojnë një kartë digjitale të të drejtave të njeriut, në mënyrë që ne të mos dhunohemi kaq shumë vetëm se mbajmë qëndrime të ndryshme nga ato të audiencës”, tha Zhaklina.
Në fakt kjo nuk është hera e parë që ndodh dicka të tilla, pasi fansat e banorëve të BBV jo rrallëherë kanë zgjedhur që mbështetjen nga idhujve të tyre ta japin përmes dhunës, qoftë asaj verbale, e akoma më keq përmes asaj fizike.
