Alfred Balla është zgjedhur kryetari i ri i Këshillit të Lartë të Prokurorisë. Me 10 vota pro, anëtarët e Këshillit të Lartë të Prokurorisë kanë zgjedhur Alfred Ballën në krye të këtij institucioni. Duhet theksuar në fakt se Balla ishte kandidati i vetëm në këtë garë.
Deri më tani ai ushtronte detyrën e zëvendëskryetarit, ndërsa mandati i Ballës si kryetar i KLP-së zgjat 2 vite.Në këtë detyrë, Balla zëvendëson Gent Ibrahimin, të cilit i kishte mbaruar mandati që më 19 dhjetor 2021.
