Adrian Zeqiri, drejtor ekzekutiv i ECMI, vlerëson se Kosova u dashtë të ishte më aktive sa përket diskutimeve rreth draft-statutit të Asociacionit të komunave me shumicë serbe.
“Është disavantazh për këtë është dashtë që të jetë më pro aktive për sa i përket diskutimeve, ideve rreth draft-statutit të Asociacionit”, u shpreh Zeqiri në InfoMagazine.
“Nuk është e drejtë, gjithsesi është bërë shkelje procedurale, këto kanë qenë pjesë e marrëveshjeve të mëhershme e dimë se çdo draft-statut duhet të kalojë përmes gjykatës kushtetuese, këto kanë qenë pjesë të negociatave të para 10 viteve kur janë bërë”.
Zeqiri potencoi se ka munguar një propozim konkret nga Qeveritë e Kosovës.
“Kjo tregon pak edhe mungesën e qasjes pro aktive të qeverisë së Kosovës, jo vetëm të kësaj qeverie por edhe të gjitha qeverive prej vitit 2015 që të dilet me një propozim konkret për çështjen e Asociacionit të komunave serbe”, shtoi ai.Ai paralajmëron se këto negociata do të jenë intensive dhe është fillimi i tyre.
“Draft-statuti duhet të pajtohet nga dy palët, natyrisht janë sot dhe po besoj se do të zgjasin edhe më tutje, janë negociatave intensive dhe të rënda që do të ndodhin më tutje. Është vetëm fillimi i negociatave nuk është në anën e Republikës së Kosovës”.
