Autoritet e sigurisë në Maqedoninë e Veriut në burgun e Idrizovës kanë zbuluar një tunel i cili është menduar të shfrytëzohet për arratisjen e disa të burgosurve për vepra të rënda penale.
“Pas pranimit të informacioneve se një grup prej më së paku tetë personave të dënuar, të cilët vuajnë dënime me burg nga 10 vjet deri në burgim të përjetshëm planifikojnë të arratisen nëpërmjet grryerjes së tunelit, MPB-ja realizoi aktivitete për vërtetimin e informacioneve dhe e njoftoi Drejtorinë për Ekzekutimin e Sanskioneve”, thuhet në njoftimin e MPB-së të Maqedonisë së Veriut.
Ky aksion i policisë, siç njofton MPB-ja, është realizuar në koordinim me Byronë për Siguri Publike dhe Agjencinë për Siguri Kombëtare.
