Policia e Kosovës sot me datë 26 korrik me rastin e ditës memoriale të Policëve të rënë në krye të detyrës, organizojë ceremoni përkujtimore në shenjë nderimi dhe përkujtimi për heronjtë e Kosovës.
Në ceremoninë e organizuar, morën pjesë edhe kryeministri i Republikës së Kosovës, Albin Kurti dhe ministri i punëve të brendshme, Xhelal Sveçla, shkruan Gazeta Papirus.
Në një fjalë rasti, Kurti tha se heroi Enver Zymberi është shembull i një familje patriotike.
“Enver Zymberi i edukuar dhe i rritur nga një familje patriotike ka qenë i ndjekur nga regjimi serb por e vazhdojë shërbimin ndaj atdheut. Nuk duhet dhe nuk do pushojmë asnjëherë për të venë dritë mbi rastin që i mori jetën policit”, tha ndër tjera, kryeministri Kurti.
