Shërbimet sekrete greke dhe qarqet antishqiptare mësohet se kanë pasur një plan për rrëmbimin e trupit të ushtarit grek, i vrarë nga RENEA shqiptare
Vrasja e ekstremistit grek, Kostantinos Kaçifa, në Bularat të Gjirokastrës, nga forcat RENEA, ka shkaktuar debate dhe përplasje të forta mes dy vendeve fqinje, duke acaruar së tepërmi dhe marrëdhëniet mes tyre.
Shërbimet sekrete greke dhe qarqet antishqiptare mësohet se kanë pasur një plan për rrëmbimin e trupit të ushtarit grek, i vrarë nga RENEA shqiptare, mesditën e së dielës. Agjenturat greke, në bashkëpunim me qarqet antishqiptare në jug të Shqipërisë, kanë nisur zbatimin e planit për të marrë trupin e ekstremistit, që u vra pasi hapi zjarr mbi policinë, për ta çuar në Athinë.
Ky plan do të zbatohej me qëllim për të manipuluar ekspertizën mjekoligjore të trupit të ushtarit të vrarë, për ta përshtatur me akuzat e qeverisë greke dhe qarqeve ekstremiste greke, që gjoja Konstantinos Kaçifa u vra për flamur.
Duke krijuar një mashtrim të madh, Athina do të shtonte presionin mbi politikën e korruptuar të Tiranës, për të pranuar kërkesat e Greqisåë në dëm të Shqipërisë. Kjo duket se ka qenë edhe arsyeja se pse Prokuroria për Krimet e Rënda ka shpejtuar për ta sjellë trupin e Konstantinos Kaçifa në Tiranë. Ekspertët e mjekësisë ligjore mund të shkonin edhe në Gjirokastër, por arsyeja se pse e kanë sjellë në Tiranë, duket se lidhet me sigurinë.
‘Zonja e hekurt’ e drejtësisë së re shqiptare, Donika Prela, ka pikasur në kohë kurthin e grekëve dhe antishqiptarëve, duke bërë lëvizjen e duhur. Pas vendimit për të sjellë trupin e pajetë të grekut në Tiranë, Prela ju dha dhe një përgjigje të fortë fqinjëve, teksa tha se hetimet do të kryhen nga pala shqiptare dhe nuk ka pse ndërhyn në këtë çështje asnjë autoritet i huaj.
“Hetimet do kryhen nga pala shqiptare dhe nuk ka pse ndërhyn në këtë çështje asnjë autoritet i huaj. Grekët mund të dërgojnë ekspertët e tyre, të cilët do u lejohet të jenë vetëm në rolin e vëzhguesit, por jo që të kryejnë hetime, të marin në pyetje persona, të nxjerin akte dokumentive etj. Jo kjo është e ndaluar”, thuhej në reagimin e Prokurorisë së Krimeve të Rënda./Pamflet
