Kandidati për deputet nga radhët e Partisë Demokratike të Kosovës ,Xhemshit Krasniq, u takua me të afërmit e tij në Krushë të Madhe, vendlindjen e intelektualit të shquar Ukshin Hoti.
Përmes një postimi në Facebook Krasniqi u shpreh se takimi u mbajt në odën e Bacës Liman Gashi, ku morën pjesë kushërinj dhe nipa, duke ndarë ide dhe diskutime të sinqerta për të ardhmen e përbashkët.
Krasniqi falënderoi të pranishmit për mikpritjen dhe mbështetjen, duke theksuar rëndësinë e bashkëpunimit për të ndërtuar një Kosovë më të mirë dhe një shoqëri të bashkuar.
“Ky takim përfaqëson jo vetëm lidhjet tona familjare, por edhe dëshirën për një të ardhme të ndritur për vendin tonë,” u shpreh Krasniqi.
Kujtojmë që, Xhemshit Krasniqi kandidon për deputet nga radhët e PDK-së ku mban numrin 87 në listën kandiduese.
