Presidenti serb Aleksandar Vuçiq ka deklaruar se për Serbinë situata do të jetë gjithnjë e më e komplikuar dhe e Perëndimi dëshiron që “ta merr atunë kosovare” nga dora e presidentit rus Vladimir Putin.
Duke folur për kritikat e politikës për Kosovën, ai ka pyetur “a doni paqe” apo “t’i dërgoni fëmijët në luftë”.
Doni paqe? Mos u ankoni se gjithçka në botë është tradhti”, ka thënë Vuçiq për televizionin në shërbim të regjimit të tij “TV Pink”, në një transmetim nga Abu Dhabi.
Ai ka vlerësuar se konflikti ukrainas-rus do të vazhdojë të përshkallëzohet, sepse në fjalimet e djeshme të presidentëve të Rusisë dhe Shteteve të Bashkuara, Vladimir Putin dhe Joseph Biden, askush nuk foli për paqen, por vetëm për fitoren ndaj palës tjetër.
Për Putinin, e vërteta është në anën e Rusisë, dhe për Biden, Ukraina nuk është vendi ku Rusia do të fitojë. E keni të qartë se po shkojmë drejt ndezjes së mëtejshme të konfliktit, ka thënë Vuçiq”.
“Është e qartë se askush nuk dëshiron të pranojë një zgjidhje të mesme, por fitoren e vet dhe humbjen e palës tjetër”, ka thënë ai.
