Presidenti serb, Aleksandar Vuçiq, ka thënë se Parlamenti Evropian dje ka miratuar një rekomandim, e jo një rezolutë, sipas së cilës i kërkohet Serbisë të njohë pavarësinë e Kosovës.
Presidenti serb Aleksandar Vuçiq tha se thelbi i vetë tekstit është shumë më i rëndësishëm.
“Rekomandimi i PE-së është që ne duhet ta njohim Kosovën e pavarur. Kështu që unë pyes të gjithë, pse e fshehët këtë. Shumë më e vështirë sesa nëse do të vendosim sanksione kundër Rusisë, është që ata të na kërkojnë njohje reciproke. Dhe çfarë po u fshehim njerezve, apo një pjese te publikut mediatik dhe politik, sepse atehere do te ishte e qarte per njerezit se cfare duan këta njerez nga Serbia. Faleminderit per shqetësimin tuaj te madh, ne nuk jemi te interesuar per njohje reciproke me Kosovën , tha Vuçiq.
Presidenti Vuçiq ka takuar sot anëtaren serbe të Presidencës së Bosnjës, Zheljka Cvijanoviq dhe presidentin e Republikës Srpska, Milorad Dodik, duke thënë se i ka njoftuar për bisedimet në Bruksel dhe situatën në Kosovë, por edhe se kanë diskutuar tema të tjera, si dhe projekte të përbashkëta infrastrukturore.
“Këtë javë do të formohet një ekip i përbashkët, do të investojmë shumë para në ndërtimin e kompleksit memorial në Donja Gradina”, tha Vuçiq
