Presidenti i Serbisë, Aleksandër Vuçiq ka uruar besimtarët e fesë islame në Serbi me rastin e fillimit të muajit të Ramazanit.
Mediumi-serb Kosovo-Online, ka publikuar urimin e Vuçiqit, ku thuhet se “Ramazani është muaji i mëshirës, faljes dhe mirëqenies”.
“Ditët e këtij muaji të shenjtë janë një nxitje për të forcuar lidhjet tona të ndërsjella, për të respektuar dhe afirmuar pasurinë e Serbisë, të cilën diversiteti etnik, kulturor dhe fetar e sjell në dobi të të gjithë qytetarëve tanë.” – ka thënë Vuçiq.
Ndërkaq, Ramazani është muaji më i shenjtë për Myslimanët. Gjatë gjithë këtij muaji, Muslimanët agjërojnë çdo ditë deri në perëndim të diellit. Është e paraparë të jetë një kohë e diciplinës shpirtërore, lutjeve shtesë, rritjes së bamirësisë e bujarisë dhe studimit intensiv të Kuranit.
Është si versioni Mysliman i Krishtlindjeve që janë për Katolikët. Festë fetare ku të gjithë mblidhen me miq e familjarë për të ngrënë, dhënë dhurata dhe japin e marin dashuri.
