Presidenti i Serbisë, Aleksandar Vuçiq, ka thënë se gjithçka që është nënshkruar gjatë dialogut Beograd-Prishtinë, duhet të zbatohet.
Në një intervistë të dhënë për EuroNews, Vuçiq ka thënë se kur është fjala për Bashkimin e Komunave Serbe, nën patronatin e BE-së, janë nënshkruar katër marrëveshje – plani i zbatimit, parimet, menaxhimi dhe Marrëveshja e Parë.
“Këto janë katër marrëveshje. Ne tashmë kemi nënshkruar gjithçka dhe, natyrisht, është nënshkruar nga përfaqësuesit e Bashkimit Evropian dhe duhet të zbatohet. Dhe ky nuk është qëllimi përfundimtar. Qëllimi përfundimtar është që serbët dhe shqiptarët të jetojnë së bashku, për të jetuar shumë më mire dhe për të respektuar, pa armiqesi. Nuk kam në plan të flasë për fajin e askujt, nuk ka rëndësi nëse do të arrihet për tre muaj apo tre vjet, por nese ia dalim do të jetë një sukses historik,”- ka thënë Vuçiq, raporton Kosovo Online.
