Pasditen e të martës, në Kaçanik, vëllezërit Hasan dhe Kastriot Berisha u sulmuan me armë zjarri nga dy persona.
Plumbave nuk i shpëtoi biznesmeni Hasani Berisha, ndërsa vëllai i tij, me lëndime të rënda po mjekohet në QKUK.
Krimi kishte ndodhur në vendin “Fushë Pajtimi”, përballë Varrezave të Dëshmorëve, ku vëllezërit Berisha u sulmuan nga dy persona, të cilët ende gjenden në arrati.
Kështu ka konfirmuar për Gazetën Insajderi, Drejtori Rajonal i Policisë në Ferizaj, Basri Shabani.
“Ende nuk i kemi arrestuar dy personat e dyshuar për vrasjen në Kaçanik. Njësitet Hetimore dhe Operacionale janë duke punuar në atë drejtim, por ende nuk kemi asgjë”, tha Shabani për Insajderin.
“Gjendja e të plagosurit është shumë e rëndë. Është pranuar që dy orë e më shumë në Spital. Tash pritet të hyjë në operacion. Ai është i plagosur në qafë”, ka konfirmuar doktoresha, Nerxhinave Halimi për Insajderin.
Siç u raportuan në media motivi i kësaj vrasje ishte një borxh që dorasi ua kishte pasur viktimave.
Një gjë e tillë ende nuk është konfirmuar zyrtarisht nga institucionet e drejtësisë./GazetaInsajderi/
