KV Klina është shpallë kampione në Ligën e Parë (perëndim), femrat, dhe inkuadrohet në Superligën B nga edicioni i ardhshëm.
Ky është njoftimi i Federatës së Vojebollit të Kosovës:
Klina u shpall kampione si ekipi me më së shumti pikë, 37 (aq sa pati edhe Peja) pas 17 xhirove të zhvilluara në kampionatin respektiv.
Vashat klinase u dekoruan për suksesin së fundmi nga akterë të rëndësishëm sportiv e institucional.
Medaljet për kampionet i ndanë drejtoresha e sportit në Klinë, Fatjona Gashi, anëtari i bordit të Federatës së Volejbollit të Kosovës (FVK), Abedin Mehani, dhe komesari i garave, Ardian Ibraj.
Ndërsa Kupën për kapitenën, Klaudia Gojani, e ndau sekretari i përgjithshëm i FVK-së, Valon Nikqi.
FVK uron Klinën për suksesin në Ligën e Parë dhe i uron fat në garat e Superligës B nga sezoni i ardhshëm.
#fvk #kvklina #ligaeparepf
