Presidentja e Kosovës, Vjosa Osmani nesër do të vizitojë rajonin e Drenicës, ku do të nderojë dëshmorë të luftës së fundit, shkruan Syri.net.
Ajo në këtë vizitë do të shoqërohet nga kryetari i Skënderajt, Bekim Jashari dhe ai i Drenasit, Ramiz Lladrovci.
Në orën 09:00, Presidentja e Republikës së Kosovës, dr. Vjosa Osmani, së bashku me kryetarin e komunës së Skënderajt, Bekim Jashari dhe me kryetarin e komunës së Drenasit Ramiz Lladrovci, vizitojnë Kullën e Ilaz Kodres
Në orën 09:30, Presidentja Osmani së bashku me kryetarët Jashari e Lladrovci bëjnë homazhe në Kompleksin Memorial të Dëshmorëve në Marinë
Ndërsa në orën 10:00, Presidentja Osmani dhe kryetarët Jashari e Lladrovci bëjnë homazhe për të rënët në Vërboc.
