Një rast traumatizues rastisë të ketë ndodhur sot pasdite në Hajvali të komunës së Prishtinës. Policia e Kosovës duke asistuar procesin e këputjes së rrymës tek një biznes familjar, kishin hasur në një fëmijë 13 vjeçar. Prindi i tij, A.Gashi për Periskopin ka rrëfyer krejt ngjarjen, duke thënë se zyrtarët policorë e kanë kërcënuar djalin e vogël të tij…
‘Të rrehim’, ‘pse s’po i prenë këto flokë’, ‘t’i duhesh me na u tutë neve’, këto janë fjalët që prindi i 13 vjeçarit i ka rrëfyer për Periskopin.
‘’E kanë kërcënu fëmijën e vogël me sharje, një fëmijë të vogë. I kanë thënë se veç erdhëm prej xhamisë në orën 13:50 se të kishim rreh, se keni borxh e nuk e keni pagu borxhin. Çka ju intereson policisë për borxhin tem ndaj KEDS’it. Tani i paske flokët e rrita, me shku me i preh. Çka i intereson atyre a ia rriti fëmijës tem flokët a s’ia rriti.’’, ka thënë A.Gashi.
ipas tij, djali e kishte thirrë në telefon duke qarë, ndërkohë tregon se për këtë gjë është ankuar edhe në Inspektorat të Policisë së Kosovës.
‘’Unë isha rrugës, djali më thirri mua t’u qajt. Djali është shumë i sjellshëm, nuk është problemaik, ka qenë t’u punu në biznesin tonë. Në vend ata me marr me të mirë fëmijën. Ata e kanë këput rrymën, s’ka lidhje, e paguaj rrymën. Ata janë në asistencë të KEK’ut, ata qenkan ndi të kërcënuar prej një fëmije 13 vjeçar. I lajmërova edhe në polici, se si janë sjellë të pasjellshëm dhe kërcënues ndaj fëmijës tem. Ata i morën të dhënat, edhe videon.’’, ka thënë ai.
A.Gashi ka nisur në Periskop edhe një video ku shihet i biri 13 vjeçar teksa ia rrëfen ngjarjen me lot në sy:
Periskopi ka drejtuar pyetje edhe drejt Inspektoratit Policor, por edhe nuk kemi ndonjë përgjigje.
Foto nga vendi i ngjarjes:
