Korab Kabashi, përgatitjen për mbjelljen e specave po e bën si zakonisht.
Por, këtë produkt, ai dhe bujqit tjerë sivjet pritet ta shesin më shtrenjtë. Megjithatë, çmimi pritet të jetë shumë më i ulët se ai aktuali i specave të importuar, që ka shkuar deri në 8 euro.
Në javën e parë të shitjes, kilogrami i kësaj perimeje vendore pritet të kushtojë 2.5 euro dhe më pas të lirohet.
Megjithatë, çmimi më i shtrenjtë nuk do të shtojë edhe fitimin e prodhuesve. Por fitimet për ta do të rriten, nëse çmimet mbesin të larta edhe gjatë verës siç janë tani, meqë kjo do të ndikonte edhe në rritjen e çmimit të produkteve vendore.
