Shefja e Grupit Parlamentar të Lëvizjes Vetëvendosje, Mimoza Kusari – Lila, po merr pjesë në Paradën e Krenarisë.
Mimoza Kusari – Lila para gazetarëve ka thënë se një popull që ka qenë i rrethuar, e di shumë mirë çfarë do të thotë të mohohet një e drejtë elementare, përcjell Demokracia.com.
“Çdo gjë që është pjesë e qenies njerëzore dhe lirisë elementare, nuk është për t’u cenuar. Si popull që kemi qenë të rrethuar, të cenuar, e dimë shumë mirë çfarë do të thotë të të mohohet një e drejtë”, ka thënë ajo, duke krahasuar periudhën kohore nën regjimin serb me cenimin e të drejtave me shumë paqartësi ligjore për komunitetin LGBTQI+, pasi që ishin deputetët e Lëvizjes Vetëvendosje, shumicës parlamentare, që nuk e votuan as Projektcodin Civil.
Veç Kusari – Lilës, në këtë paradë po merr pjesë edhe deputeti tjetër i LVV-së, Dimal Basha.
Të pranishëm janë parë edhe ambasadori amerikan, Jeff Hovenier, kryetari i Prishtinës, Përparim Rama, nënkryetarja e PDK-së, Vlora Çitaku, si dhe ish-presidentja Atifete Jahjaga.
Deri më tani, askush nga krerët e shtetit, Vjosa Osmani, Albin Kurti e Glauk Konjufca, nuk janë parë të pranishëm në Paradën e Krenarisë.
