Lëvizja Vetëvendosje me qendër në Shqipëri nuk do të marrë pjesë në protestën e nesërme të organizuar në Tiranë, kundër vizitës së Aleksandar Vuçiq dhe idesë ”Ballkani i Hapur
Kështu kanë bërë të ditur për Klankosova.tv, nga qendra e kësaj lëvizjeje në Tiranë.
”Qendra e Lëvizjes në Shqipëri nuk ka planifikuar aktivitet në ditën e nesërme me rastin e sipërpërmendur”, është përgjigjia Egon Loli që ka pranuar Klankosova.tv kur ka pyetur nëse do i bashkohen protestës.
Ndryshe Lëvizja Vetëvendosje në Kosovë njihej si subjekt aktiv opozitar, ndërsa qendra e saj në Shqipëri në protestat e mëparshme ishte pjesëmarrëse.
Ish-kryeministri shqiptar, Sali Berisha, ka paralajmëruar protestë përballë kryeministrisë në Shqipëri, për të hënën në ora 16.00.
Sipas Berishës kjo protestë do të bëhet kundër vjedhjes së inceneratorëve dhe paktit antikombëtar Rama-Vuçiq.
Mbledhja e protestuesve do të bëhet te selia e Partisë Demokratike, e pastaj për t’u nisur së bashku drejt kryeministrisë shqiptare.
