Mëngjesi i sotëm ka nisur me fluks të lartë qytetarësh e mjetesh nga Kosova drejt Shqipërisë.
Janë familjarë e grupe miqsh që janë nisur drejt qyteteve të ndryshme për të kaluar këtë fundjavë.
Për disa prej qytetarëve është edhe periudhë pushimesh në det. Policisë kufitare i është dashur të punojë që në orët e para të mëngjesit me procedurë të përshpejtuar për të shmangur radhët e gjata dhe qëndrimet e panevojshme në kufi.
Vetëm sot, sipas mediave shqiptare, përllogariten të kenë hyrë më shumë se 6300 mjete dhe rreth 13 mijë qytetarë të Kosovës drejt Shqipërisë.
më herët u raportua se në pikën kufitare në Merdare, janë krijuar kolonat më të gjata.
Aty janë krijuar kolona deri në 400 metra.
