Ambasadori i Shteteve të Bashkuara në Kosovë, Jeff Hovenier, ka reaguar pasi kryeministri Albin Kurti njoftoi për vendosjen e flamurit të Ukrainës në objektin e Qeverisë së Kosovës përgjatë ditës së djeshme.
“Shtetet e Bashkuara dhe Kosova qëndrojnë të bashkuara me Ukrainën”, shkroi ambasadori amerikan.
Në postimin e Kryeministrit Kurti, që u shpërnda nga ambasadori amerikan, thuhet se“pavarësisht se sa të errëta janë kohët dhe sa e vështirë përpjekja, historia e favorizon të drejtin. Në këtë kohë kritike për popullin ukrainas, ne e ndriçuam ndërtesën e qeverisë për ta shfaqur solidarizimin e popullit të Kosovës me popullin e Ukrainës.”
