Imer Imeri, ka dhënë disa detaje për vrasjen e aktivistit të LDK-së dhe vëllait të tij, Haki Imeri, i cili ishte vrarë më 2 nëntor të vitit 1999, në rrethana të pasqaruara.
Ai tregoi se paraprakisht, Imeri atë ditë ishte arrestuar prej tre personave, të cilët sipas tij, ishin të gjithë me tesha të zeza që u përdornin nga policia e UÇK-së,.
Sipas tij, vëllai i tij ishte i shoqëruar nga Agim Jonuzi. Imeri shpjegoi se tre persona i kanë thënë atij në fshatin Burojë se kanë urdhër që të vijnë me të.
“Më 2 nëntor 1999, vëllai im është arrestuar prej tre personave. Kanë qenë në tesha të zeza, që i kanë bajt policia e UÇK-së, emblemë nuk ka pasur veç kaçkëta dhe tesha të zeza. E ka shoqëruar vëllain tim Agim Jonuzi, ishte me të, dhe ata i kanë dalë përpara e kanë pritur para shkollës, dhe kur u larguar është ardhë në fshatin Burojë i kanë dalë përpara dhe i kanë thënë “Haki urdhri është me ardhë me neve në informacion”, dhe djali ka thënë ‘po more’”, tha ai sonte në RTV Dukagjini.
Imeri shpjegoi se pasi ka shkuar me ta, vëllain e tij e kanë çuar mes Aqarevës të Skenderajt dhe Obiliqit dhe e kanë pushkatuar aty,.
Kësisoj, ai u shpreh se vrasësit e vëllait të tij janë Agron Sylejmani, Naim Kadriu dhe Avni Feta.
Këtë informacion ai tregoi se ia ka dhënë UNMIK-u, EULEX-i dhe Policia e Kosovës.
“Jam i sigurt se policia e UNMIK-ut, EULEX-it dhe Policia jonë ma kanë dëshmuar që qata persona janë, Agron Sylejmani që më17-18 mars e vranë UNMIK-u te Vushtrria, ish Naim Kadriu edhe Avni Feta. Avni Feta ish polic i Kosovë, prej policëve të parë. Jo kurrë. Kur u vra Agron Sylejmani, njerëzit e LPK-së e kanë shti në dhe dhe policia ma ka vërtetuar që ata janë vrasësit”, u shpreh ai.
Mes tjerash, ai u shpreh se nuk ka pasur proces gjyqësor ndaj këtyre personave, për të cilët u tha se të lartpërmendurit nuk jetojnë më.
