Blerim Vela nga Presidenca, i ka reaguar drejtorit të të ashtuquajturës Zyra për Kosovën në Qeverinë e Serbisë, Petar Petkoviq, pasi ky i fundit i replikoi presidentes Vjosa Osmani, për shkeljet që Beogradi ua ka bërë ndër vite marrëveshjeve të Brukselit.
Vela përmes një postimi në Twitter i tha Petkoviqit “Petre, mos leh”.
Tutje Vela tha se vota e Serbisë kundër aplikimit të Kosovës në Këshillin e Evropës duhet të penalizohet.
“Petre, mos leh! Serbia ka shkelur dje nenin 4 të marrëveshjes së Brukselit që përcakton qartë: Serbia nuk do të kundërshtojë anëtarësimin e Kosovës në asnjë organizatë ndërkombëtare”.
“Vota juaj kundër aplikimit të Kosovës në Këshillin e Evropës duhet të penalizohet”, ka shkruar Vela në Twitter.
Ndryshe, presidentja e vendit, Vjosa Osmani kishte përmendur dy shkeljet e marrëveshjes së Brukselit dhe të Ohrit që Serbia i ka bërë gjatë 24 orëve të fundit.
Në një shkrim në rrjetin social Twitter, ajo ka thënë se Serbia ka mbetur ajo e njëjta, duke shtuar se ajo ka shkelur nenin 2 dhe nenin 4 të marrëveshjeve.
Petre, stop barking!
Yesterday, Serbia violated article 4 of the Brussels agreement that clearly stipulates:
“Serbia will not object to Kosovo’s membership in any international organisation.”
Your vote against Kosovo’s application at Council of Europe should be penalized!
— Blerim Vela (@Blerim_Vela) April 25, 2023
