Gjatë të hënës, Inspektoratit të Kosovës në bashkëpunim me Doganën dhe Agjencinë Kosovare për Inteligjencë, që çoi në arrestimin e 48 zyrtarëve policorë dhe dy doganierë, të dyshuar për vepra të ndryshme penale.
Ndaj këtij aksioni ka reaguar edhe gazetari, Vehbi Kajtazi i cili ka nxjerrë bilancin e zyrtarëve policorë që janë arrestuar në tri qeveri.
Kajtazi ka shkruar në Twitter se në kohën e qeverisë së udhëhequr nga Isa Mustafa ishin arrestuar 59 polic ndërsa në kohën e “Qeverisë Haradinaj” 20 policë të cilët kanë qenë të korruptuar.
“Po i shoh të ekzaltuar disa njerëz qe po ia japin meritat Qeverisë për arrestimin e disa zyrtarëve policorë sot. Gjithë janë arrestu policë te korruptuar. Madje numri me i madh i të arrestuarve (59) ka qene ne kohen e Qeverise Mustafa. Mbi 20 ne ver ne kohen e Qeverise Haradinaj”, ka shkruar Kajtazi.
Ndaj këtij aksioni ka pasur reagime edhe nga ana e ministrit të Punëve të Brendshme, Xhelal Sfecla dhe ministres së Drejtësisë, Albulena Haxhiu.
Të dy këta e përgëzuan IPK-në dhe thanë se qeveria do ta mbështes pa rezervë punën e tyre.
Burimet e Paparacit kanë bërë të ditur se për të arrestuarit ekzistojnë rreth 400 raste ku ka prova nën dyshimin për korrupsion.
Paparaci gjithashtu ka mësuar se nesër, më 15 mars të arrestuarit pritet të dalin para gjykatësit në Gjykatën Themelore në Prishtinë, Departamenti Special, ku pritet të mbahet edhe seanca dëgjimore.
