Oda e Mjekëve të Kosovës ka bërë të ditur se ka vdekur specialisti i ortopedisë, Afrim Gucati.
Përmes një postimi në Facebook, ata u kanë shprehur ngushëllime miqve dhe familjarëve të tij, përcjell Klankosova.tv.
“Ndahet nga jeta Dr. Afrim Gucati, specialist i Ortopedisë.Dr. Afrim Gucati përfundoi studimet në degën e mjekësisë së përgjithshme, në fakultetin e mjëksisë, Universiteti i Prishtinës. Specializimin për ortopedi e përfundoi në Qendrën Klinike Universitare të Kosovës, Klinika e Ortopedisë”.
“Dr.Gucati u ka shërbyer qytetarëve duke ofruar shërbimet në lëminë e Ortopedisë në Spitalin e përgjithshëm të Mitrovicës. Oda e Mjekëve të Kosovës shpreh ngushëllimet më të sinqerta miqve dhe familjarëve të tij”, thuhet në njoftim.
