Policia e Kosovës ka njoftuar se një shtetas i Turqisë ka kërkuar ndihmë mjekësore, pasiqë gjendja shëndetësore e tij ka qenë e rëndë, njofton Gazeta Papirus.
Në raportin 24 orësh të Policisë së Kosovës, thuhet se ekipi mjekësor ka dal në vendin e ngjarjes dhe ka konstatuar vdekjen e viktimës.
“HETIM MBI VDEKJEN- Fushë Kosovë 25.07.2023 – 15:28. Viktima mashkull shtetas i Turqisë, ka kërkuar ndihmë mjekësore, pasi që gjendja e tij shëndetësore ishte e rëndë. Ekipi mjekësor në vendin e ngjarjes ka konstatuar vdekjen e viktimës. Me vendim të prokurorit, trupi i pajetë i viktimës është dërguar në IML për obduksion.”/GazetaPapirus/
