Një person ka vdekur në Deçan, sot rreth orës 17:00.
Dyshohet se viktima ishte duke rregulluar veturën e tij, përderisa vinçi është dëmtuar dhe e ka zënë nën veturë.
Lajmin për KALLXO.com e ka konfirmuar zëdhënësi i Policisë në rajonin e Pejës, Fadil Gashi.
“Menjëherë është njoftuar emergjenca e QKMF-së së Deçanit. Ata kanë dalë në vendin e ngjarjes, mjeku kujdestar e ka konstatuar vdekjen e viktimës. Në vend të ngjarjes kanë dalë edhe njësitë policore kompetente. Më urdhër të prokurorit trupi i pajetë është dërguar për obduksion në IML”- ka thënë Gashi.
