Një aksident me fatalitet ka ndodhur mëngjesin e sotëm në rrugën magjistrale Kaçakanik – Hani i Elezit, ku për pasojë një grua humbi jetën.
Viktima dyshohet se u vetaksidentua pasi humbi kontrollin e veturës.
Viktima, e moshës madhore humbi jetën në vendin e ngjarjes, ku edhe u konstatua vdekja nga ekipi mjekësor.
“Ju njoftojmë se me datën 29.11.2024 rreth orës 07:30 kemi pranuar një informatë se në rrugën magjistrale Kaçanik-Hani Elezit, tek vendi i quajtur “Kulla me qeshmë” , ka ndodhur një aksident komunikacioni rrugor, ku është përfshirë një veturë. Ekipe të policisë, zjarrëfikësit dhe ambulanca kanë dalë menjëherë në vendin e ngjarjes. Nga hetimet e para mësohet se një veturë Nissan, derisa ka qarkulluar në magjistralen Kaçanik – Hani Elezit, në rrethana ende të pasqaruara ka humbur kontrollin mbi automjet dhe ka dalë jashtë rrugës, duke rënë në humnerë disa metra”, thuhet në raportin e Policisë
