Policia e Kosovës ka njoftuar se ka vdekur një grua e cila ishte duke marrë trajtim në Qendrën Klinike Universitare (QKUK), për shkak të lëndimeve të cilat i ka marrë nga një aksident që ka ndodhur më 16 janar.
Nëpërmjet raportit 24 orësh është bërë e ditur se viktima ka ndërruar jetë të shtunën.
“AKSIDENT TRAFIKU ME FATALITET/Fushë Kosovë 16.01.2023 – 13:27. Më 28.01.2023 viktima femër kosovare e cila ka qenë në tretman mjekësor në QKUK si pasojë e aksidentit ka ndërruar jetë”, thuhet në raportin e PK-së.
Sipas Policisë me urdhër të prokurorit trupi i pajetë i viktimës është dërguar në IML për obduksion.
