Ndeshja mes Barcelonës dhe Osasunës e cila ishte paraparë të luhet sonte me fillim nga ora 21:00 është shtyrë shkaku i vdekjes së njërit prej anëtarëve të Barcelonës.
Blaugranasit përmes një njoftimi zyrtar kanë bërë të ditur se mjeku i ekipit të parë, Carles Minarro Garcia ka ndërruar jetë papritmas pak kohë para nisjes së ndeshjes ndaj Osasunës.
Të shumta ishin reagimet nga komuniteti i futbollit në Spanjë, teksa atyre tani iu bashkua edhe Real Madridi.
Klubi madrilen përmes një reagimi në rrjetet sociale ka shprehur ngushëllimet e tyre për këtë rast tragjik.
Real Madridi, presidenti i saj dhe bordi i drejtorëve ndjejnë keqardhje të thellë për vdekjen e doktorit të Barcelonës, Carles Minarro Garcia.
Real Madridi do të donte të shprehte ngushëllimet dhe dashurinë ndaj familjes së tij, kolegëve të tij, Barcelonës dhe më të dashurve të tij. U prehtë në paqe”, thuhet në njoftimin e Real Madridit.
