Sot rreth orës 14:55, është shënuar një ngjarje e rëndë në rrugën “Ahmet Korenica” në Prishtinë, ku një zyrtar policor ka humbur jetën përcjell Gazeta Papirus.
Siç merr vesh Demos nga burimet e veta, bëhet fjalë për Alban Tolajn, pjesëtarin e Njësisë Speciale të Kosovës, i cili i takon moshës 47-vjeçare.
Lajmin për GazetënDemos e ka konfirmuar edhe zëdhënësi i Policisë për rajonin e Prishtinës, Agron Borovci, i cili tha se rreth kësaj ngjarje ka elemente që sugjerojnë për vetëvrasje.
“Rreth orës 14:45, kemi pranuar informatën për një trup të pa jetë, në rrugën “Ahmet Korenica” në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, 47 vjeç, zyrtar policor”.
“Mbështetur në informacionet e para nga vendi i ngjarje, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe me kujdes të shtuar po shqyrton të gjitha aspektet e rastit për ndriçimin e plotë të rrethanave të kësaj ngjarje tragjike”, ka thënë Borovci për GazetënDemos.
“Policia e Kosovës shpreh ngushëllimet më të thella për familjen, kolegët dhe miqtë e zyrtarit të ndjerë”, shtoi Borovci.
