Xhamitë në qytete të ndryshme të Kosovës shpeshherë janë cak i hajnave, të cilët ua vënë syrin gjërave me vlerë. Cak i hajnave janë më së shumti arkat e ndihmave e kasafortat e mbushura me para, por në raste tjera edhe gjësende tjera materiale.
E një rast i tillë ka ndodhur dje në Viti, ku cak i hajnave është bërë xhamia e fshatit Ramjan, ku edhe është kryer një vjedhje të rëndë.
Sipas asaj që raporton mediumi ”Sinjali”, mëson se disa persona të cilët akoma nuk janë identifikuar, kanë depërtuar brenda objektit të xhamisë përmes dritares, ku kanë dëmtuar kasafortën dhe kanë vjedhur paratë e dedikuara për bamirësi.
Rasti është denoncuar në Polici nga mirëmbajtësi i xhamisë, i cili e ka vërejtur se është kryer një vjedhje.
Njësitë policore kanë dalë në vendin e ngjarjes për të kryer ekzaminimet e nevojshme që ndihmojnë në zbardhjen e rrethanave të rastit, teksa janë marrë të gjitha veprimet hetimore që çojnë në identifikimin e të dyshuarve.
Me urdhër të prokurorit, rasti është cilësuar ‘Vjedhje e rëndë’, ndërsa veprimet tjera ligjore do merren posa të kapen të dyshuarit.
