Gazetri ,Valon Syla me një status ka shkruar rreth 14 vjetorit të Pavarësisë
Statusi i tij :
Sonte është natë e madhe për kosovarë, dhe shqiptarë anë e mbanë. Ndërsa, dita është historike. 17 shkurti është Pavarësia që e paguan shumë gjenerata me gjak, burgje, luftë e hjeka tulifare. Dhe sot ikim, se dëshirojmë ti ikim sakrificave. Nuk punojmë me ndreq, por ankohemi në vend të punës… i fajsojmë të tjerët në vend se ti zgjidhim problemet tona. Kur ikim jashtë, shtiremi patriotë më të mëdhej se ata që punojnë këtu, çdo ditë të lume.
Une jam i lindur në Prishtinë, por 3 herë gajtë jetës mu ndryshu pasaporta, pa livritë vendit. Sikur mua edhe plotë të tjerëve, të lindur para e pas meje.
Të gjithë si unë, si ‘Kosovë e Re’e kemi borxh, ta bajmë Kosovën në shpindë… të punojmë dhe të paguajmë për rrugët, infrastrukturën, për energjinë, për shkollat dhe për të gjitha tjerat, sepse e fituam të shkretë. Nuk kemi më kohë për rrena e kopalla… kemi nevojë për punë ma shumë se ideologji. Kemi nevojë për sinqeritet e jo rrena e dyshime… kemi nevojë për ndërmarrës vendor e jo ‘patriota’ që ikin nga kjo punë e zorshme, dhe na mbajnë ligjerata nga jashtë…
Nese nuk ku pëlqen Kosova, filloni me ndreq rreth vetit. E kemi detyrë si gjeneratë. Nëse ska punë, gjeja punën vetit. Nëse ska gjelbrim, mbjelle në oborrin tënd. Pra ndërmerni diçka, sepse Kosova nuk ndreqet me kopalla, as me llafe… e sidomos duke menduar me dalë diku jashtë, ku gjithçka është e gatshme, hazër.
Për këtë ditë i falenderoj sot të gjithë njerëzit e mirë të Kosovës. Jo ata që nuk besuan, e pastaj gjelozuan. Por më së shumti e faleminderoj Presidentin Amerikan George W. BUSH, i cili e nxiti shpalljen përfundimisht, pa të cilin përpjekjet tona do ti ngjanin kurdëve, palestinezëve, tamilëve që u përpjekën dhe nuk arritën këtu.
Andaj jam i lumtur. Edhe pse mund të jem me pare, ose pa pare. Me suksese ose pa suksese… Por jam i lumtur që jetova në kohën më të artë të historsië shqiptare e më të re kosovare.
Jam i lumtur që e përjetova, pushtimin, rezistencën, luftën dhe çlirimin.
Jam i lumtur se e përjetova lirinë.
Leni kopallat e rrenat e shfajsimet e budallakitë. Ndërtoni e punoni duke menduar se këtë ditë të madhe, stërgjyshërit tuaj nuk e patin fatin as ta imagjinojnë, e lere më ta jetojnë…
Urime të veçanta për njerzit që kontribuan dhe ata të ndershëm të këtij vendi.
#albanologji #pavarësi #17shkurt #urime
/Gazeta Papirus/
