Kreatori i veshjeve, Valdrin Sahiti është shfaqur në një video direkt nga Dubai i Emirateve të Bashkuara Arabe.
Në një video-lidhje të shpërndarë në Instagramin e tij personal të premten, Sahiti shihet në një apartament nën shoqërinë e një klienteje të supozuar të tij. Pamjet në prapavijë tregojnë qytetin e Dubait, raporton Paparaci.
Sahiti është paraqitur për herë të parë në një video direkte nga Dubai dy ditë pas ngjarjeve në Aeroportin e Stambollit në Turqi, ku dyshohet se është ndaluar nga organet e rendit mbi dyshimet për posedim të paautorizuar të narkotikëve.
Paparaci ka raportuar sot se kreatori i veshjeve, Valdrin Sahiti është ndaluar nga Policia e Turqisë të mërkurën, bazuar një njoftim i autoriteteve turke dërguar Policisë së Kosovës të cilin e ka parë mediumi.
Autoritetet turke kanë kontaktuar me ato kosovare të enjten për t’i njoftuar se dizajneri nga Kosova, i cili posedon pasaportë diplomatike, është arrestuar në Aeroportin e Stambollit të mërkurën..
