Kryeministri i Republikës së Kosovës, Albin Kurti, ka kërkuar normalizim të raporteve me Serbinë përpara zgjedhjeve të ardhshme që do të mbahen në Shtetet e Bashkuara të Amerikës,
Kurti ka thënë se Kosova dhe Serbia duhet të normalizojnë raportet mes tyre përpara se aleatët të preokupohen me zgjedhjet në SHBA dhe Bashkim Evropian.
Sipas tij ka një ndjenjë urgjence për zbatimin e marrëveshjes dhe normalizim të raporteve të përqendruara në njohjen reciproke, më se voni deri në pranverën e vitit 2024.
“Ka një ndjenjë urgjence për zbatimin e marrëveshjes dhe normalizimin e marrëdhënieve ndërmjet Kosovës dhe Serbisë, të përqendruara në njohjen reciproke de-facto, më së voni deri në pranverën e vitit të ardhshëm”, ka thënë Kurti.
/GazetaPapirus/
