UEFA dënon FFK-në me të holla

Federata e Futbollit të Kosovës (FFK), ka mësuar dënimin e fundit nga UEFA.

Shtëpia më e madhe e futbollit evropian UEFA, ka vendosur të dënojë FFK-në me 13 mijë e 250 euro.

UEFA ka publikuar në faqen e saj vendimet e marra nga Komisioni i Etikës dhe Disiplinës.

Me 10 mijë euro FFK është dënuar për pushtim të fushës në ndeshjen e Ligës së Kombeve në mes të Kosovës dhe Lituanisë e luajtur më 18 nëntor në Prishtinë.

Ndërkohë me 3 mijë e 250 euro UEFA e ka dënuar FFK-në për ndezje të fishekzjarrëve nga ‘Dardanët’, ndërsa Muharrem Jasharin e ka suspenduar me dy ndeshje.