Ditët e fundit ka pasur thashetheme lartë e poshtë (e majtas-djathtas) se Dafina Zeqiri dhe Dj Geek i kanë dhënë fund lidhjes së tyre, kjo pasi dyshja ka fshirë të gjitha fotot që kanë bashkë në rrjetet sociale, po ashtu edhe nuk ndiqeshin më në Instagram. Megjithatë, edhe pse portalet janë shprehur të sigurtë për ndarjen, duket se në fakt lajmet nuk janë edhe aq të vërteta.
E themi këtë pasi në fakt, aktualisht artistët ndiqen në rrjetet sociale, edhe pse ndoshta i kanë bërë “follow” njëri-tjetrit menjëherë sapo kanë nisur aludimet për marrëdhënien e tyre. Cka është më e rëndësishme, në një prej koncerteve të fundit, ata janë shfaqur bashkë, duke qenë se Geek është pjesë e ekipit artistik të Dafinës, ndërsa kjo e fundit edhe e ka postuar momentin ku duken bashkë në Instagram-in e saj.
Pra dalim në dy përfundime. Ose janë zënë dhe si cdo cift tjetër kanë pasur atë momentin e tyre të “heqjes nga rrjetet sociale”, ose po e përdorin gjithë historinë për promovimin e albumit të saj të ardhshëm.
