Artistja shqiptare me famë ndërkombëtare, Bebe Rexha ka pak ditë që ka publikuar këngën e saj më të re në bashkëpunim me reperin Snoop Dogg.
Ylli i muzikës pop në botë, shpesh ka folur për familjen e saj tipike Shqiptare, të cilët edhe pse prej vitesh kanë ndërtuar jetën në Amerikë nuk i kanë harruar sjelljet karakteristike shqiptare.
Kjo u vërtetua edhe njëherë pasi babi i këngëtares nuk e ka pritur aspak mirë videon që u publikua nga ajo, duke tymosur disa gjethe marihuane me Snoop Dogg.
Si një baba tipik shqiptar ai e ka telefonuar i nervozuar dhe i ka “bërë namin” këngëtares.
Ajo tha se babai i kishte kërkuar llogari, por këngëtarja i ka trhënë se nëse duhet pirë marihuanë me dikë ai është pikërisht Snoop Dogg.
“Babai im më thirri dhe më tha: ‘Çfarë po bën? Pse po tymos në një video të publikuar në internet? A je e çmendur?’
“Unë thashë: ‘Babi, është Snoop Dogg. Nëse do të tymos me dikë, ai duhet të jetë Snoop Dogg’,-tha Bebe.
Kënga “Satellite” është pjesë e albumit të ri të Bebe Rexhës, titulluar “Bebe”, i cili do të publikohet i plotë më 28 prill.
