Skuadra portugeze do të luajë ndeshjen e parë kundër Çekisë të martën e ardhshme, më 18 qershor.
Sot pasdite ata u stërvitën në Gutersloh, dhe të gjithë sytë e tifozëve ishin kah ylli portugez, Cristiano Ronaldo.
Më shumë se 8,000 njerëz kanë ndjekur stërvitjen që ishte e hapur për audiencën.
Madje nga pamjet e publikuara shihet se shumë tifozë kaluan pengesat për të takuar futbollistët e zemrës në fushë.
Ndryshe, kombëtarja portugeze ka marrë gjithmonë një dashuri të veçantë nga tifozët. Ndoshta për shkak të emrave të mëdhenj si Eusebio, Figo, Deco, Rui Costa apo Cristiano Ronaldo.
