“U kry çdo sen”, Kajtazi citon Gjestin duke folur për ligjin për Qeverinë e Kosovës

Gazetari Vehbi Kajtazi, po pretendon se letra e dorëzuar nga kryetari i LVV-së, Albin Kurti, nuk është në përputhje me ligjin e miratuar nga qeveria Kurti 2 për Qeverinë e Republikës së Kosovës.

Në Rubikon të Klan Kosovës, ai tha se nëse letra është në përputhje me ligjin, në rregull, por nëse nuk është, ai citoi ish-banorin e BBVK, Gjesti: “u kry çdo sen, natën e mirë”.

“Nëse është në përputhje qajo letër me Nenin 26, mirë, nëse s’është, që ka thënë Gjesti, u kry çdo sen, natën e mirë”, tha Kajtazi. /Klankosova.tv