Askush prej partisë më të madhe në vend nuk i ka dalë në mbrojte deputetit Haki Abazi, të cilin e ka përjashtuar partia.
Ndonëse të enjten ai është bërë deputeti i parë në historinë e parlamentarizmit në Kosovës që është përjashtuar nga një grup parlamentar, asnjë deputet apo zyrtar i VV-së nuk ka reaguar.
Të gjithë e kanë respektuar vendimin e partisë. Edhe shefja e deputetëve të VV-së, Mimoza Kusari-Lila, ka treguar se vendimi për përjashtimin e Abazit është marrë në mënyrë unanime në grup parlamentar.
Madje, disa ish-kolegë të tij partiak janë shprehur edhe kritikë ndaj Abazit.
Ata kanë drejtuar kritika të ndryshme ndaj tij, duke thënë se ka qenë jobashkëpunues.
Haki Abazi / Haki Abazi, deputeti i parë në histori të Kuvendit që përjashtohet nga grupi parlamentar
Një ditë pasi Abazi është përjashtuar nga grupi parlamentar i partisë në pushtet, deputetja e kësaj partie, Fitore Pacolli, ka thënë se Abazi nuk ka qenë koleg i mirë.
Në emisionin “Debat Plus”, ajo ka thënë se askush prej kolegëve nuk e ka lavdëruar deputetin Abazi.
“Sa i përket deputetit Haki Abazi, prej momentit kur ka filluar ky mandat nuk ka gjetur rahati. Sepse është egoja e tij, është person jo bashkëpunues, unë tani në Kosovë nuk kam takuar asnjë person me të cilët edhe ka punuar edhe ka bashkëpunuar, sidomos me organizatat joqeveritare, të cilat e lavdërojnë ose flasin për të se është bashkëpunues”, ka thënë Pacolli.
Madje, sipas saj, këtë qasje deputeti Avaz e ka pasur prej fillimit.
“Nuk ka qenë bashkëpunues prej fillimit. Nuk po themi se është bërë i keq”, është shprehur ajo.
Asnjë fjalë të mirë për deputetin Abazi nuk ka pasur as deputeti i VV-së, Besim Muzaqit, i cili ishte “urdhëruar” nga partia që të ia zënë vendin ish-deputetit të VV-së.
“Çështja e vendeve të grupeve parlamentare është e drejtë e subjekteve politike dhe për to merren vendimet nga subjektet politike. Mua me është caktuar ai vend, deputet Abazi është arsyetuar se nuk e ka pasur njoftimin, prandaj unë e mirëkuptova dhe ia dhashë mundësinë që të njoftohet me vendimin e marrë. Nuk ka pasur asgjë tjetër”, ka thënë ai në një prononcim për gazetën Nacionale.
Për këtë incidentet nw parlamentar ka treguar edhe deputeti Abazi.
Në profilin e tij në “Facebook”, ai ka shkruar për atë që e quajti “incidenti i radhës” duke thënë se kjo ishte për me urdhër të Kurtit.
“Kur shkova te ulësja në Kuvend, me urdhër të Kurtit dhe pa paralajmërim, nga Çadra e Gadafit, kishin urdhëruar deputetin Besim Muzaqi që të ulet në vendin tim, duke e hequr kartelën time nga aparati, dhe afër tij kishin zhvendosur Salih Zybën.”, kishte shkruar ai.
Përplasjet e Abazit me VV-në
Historia e mospajtimeve të deputetit Abazi me partinë e tij ka filluar në këtë legjislaturë.
Edhe javën e kaluar, deputeti i VV-së, Salih Zyba, e kishte penguar deputetit Haki Abazi gjatë fjalës së tij në foltore të Kuvendit të Kosovës.
“Ne kena mujtë me i nda rrugët por rrugën s’mujna me ia ndalë njëri-tjetrit… Mos ke dashtë me e provu picën e PDK-së?” – i kishte thënë Zyba, që i kishte ndërhyrë edhe në fjalë.
Kuvendi i Kosovës / “Me urdhër të Kurtit”: Momenti kur ndodhi “incidenti” mes deputetëve të VV-së në Kuvend
“Kur të vjen puna me hangër pica të PDK-së, besoj që shihemi tjetërkund.” – ia ktheu Abazi duke i thënë mes tjerash edhe “të lutem mshele gojën,”.
Përveç kësaj, Abazi i kishte kërkuar Zybës edhe disa sqarime tjera.
“Tani z. Zyba që duket se jeni emëruar si emisar për të kundërshtuar e për të bërë zhurmë, unë kisha dashtë ty me të dëgju duke folë për çështjen e znj. Çavdërbasha si zëvendësministre, se si dhe për çfarë është larguar nga vendi i punës. Për znj. Tropika Agaj, po ashtu që ti nuk e ke thanë asnjëherë asnjë fjalë, e për znj.Valëza Mjeku. Do të thotë janë tri femra që janë largu nga pozitat e tyre pa u thënë asnjëherë asnjë fjalë,”, kishte thënë Abazi.
Deputeti Abazi nga fillimi i kësaj legjislature ka filluar pakënaqësitë në lidhje me Qeverinë Kurti dhe sidomos me shefen e grupit parlamentar të Vetëvendosjes, Mimoza Kusarin.
Ai e kishte drejtuar kritika të ashpra ndaj Qeverisë Kurti për procesin e dialogut dhe për politikën e jashtme.
Abazi ishte shprehur kritik edhe për strukturën e brendshme të VV-së.
Këtë parti, ai e kishte akuzuar edhe për zhdukjen e provave të Astrit Deharit.
Pas këtyre kritikave, VV-ja Abazin e kishte larguar edhe nga posti i Kryetarit të Komisionit Parlamentar për Politikë të Jashtme.
Në Qeverinë Kurti I, Abazi ishte njeri shumë i fuqishëm. Për shkak të ndikimit të tij ai kishte marrë postin e zëvendëskryeministrit.
