Trepça e ka mundur Pejën me rezultat 94:86 në ndeshjen e parë të serisë finaleve të Superligës së Kosovës në basketboll.
Ndonëse Peja doli triumfuese në pjesën e parë të takimit, dhe në pjesën e parë të çerekut të katërt ata po udhëhiqnin me tetë pikë epërsi, vendësit arritën ta shkrijnë atë dhe në fund dolën fitues pikërisht me tetë sosh epërsi.
Ndeshja e ardhshme luhet në fundjavë në Pejë, ku pejanët do të jenë në kërkim të barazimit të serisë, teksa mitrovicasit në shtimin e avantazhit.
Jamel Artisi i të Gjelbërve ishte lojtari që shënoi më shumë pikë në ndeshje, 27 sosh.
Në anën tjetër, Larry Thomas i Pejës ishte kontribuesi më i madh me pikë te pejanët, me 23 sosh.
