Pas mbledhjes së rregullt të shtabit të krizës, ministri Arben Taravari ka dhënë një përditësim mbi gjendjen e pacientëve të lënduar në incidentin e rëndë që ndodhi në Koçan.
Ai ka njoftuar se të gjithë pacientët që ndodhen në spitalet e Maqedonisë së Veriut janë në gjendje stabile dhe po marrin trajtim të duhur.
Ministri bëri të ditur se është planifikuar që të dalin nga spitali në fillim të javës nëntë pacientë, pasi të kryhen analizat.
Për pacientët që janë jashtë vendit, numri i tyre është 115, ku pesë prej tyre vazhdojnë të jenë në gjendje kritike, por gjendja e tyre është e ndryshueshme.
