Tottenhami dhe Arsenali do të ndeshen sonte, më fillim nga ora 20:45, në kuadër të xhiros së 36 të Premier League.
Derbi i nxehtë i Londrës Veriore do të jetë edhe më i ndezur për shkak të situatës aktuale që gjenden skuadrat.
Të dyja janë në luftë të ashpër për një vend në Champions League në sezonin e ardhshëm, andaj fitorja është shumë domethënëse, sidomos për Spursat.
Skuadra e Antonio Contes është në pozitën e pestë aktualisht, me katër pikë më pak sesa Arsenali.
Një fitore eventuale e “topçinjve” do t’ia ndërprente ëndrrën “të bardhëve” nga Londra për të qenë në top4.
Ndonëse ende ka kohë për formacionet zyrtare, pak a shumë parashikohen skemat me të cilat do të startojnë të dyja skuadrat.
